7Drama - Music online: Tooltipe

Showing posts with label Tooltipe. Show all posts

របៀបប្រើ Windows 7 Backup Tools នៅក្នុង Windows 8

នៅក្នុង Windows 8 មាននូវ System ថ្មីមួយគឺ File History Backup ដែលជំនួសទៅដោយ Windows 7 backup tools។ ប៉ុន្តែទោះជាយ៉ាងណាក៏ដោយ, Windows 8 នៅតែមាននូវ Windows 7 backup tools ដែលជា tools ដ៏មានប្រយោជន៍សម្រាប់បង្កើតនូវ Full System image backups។
ការបង្កើតនូវ Full System Backup
ដើម្បី Access ចូលទៅក្នុង Windows 7 Backup tools, មុនដំបូងយើងត្រូវចុច Windows Key + W រួចវាយពាក្យ File recovery ។ ពេលនោះយើងនឹងឃើញនូវពាក្យថា Windows 7 File Recovery នៅខាងឆ្វេងដៃ

យើងត្រូវចុចលើវា ពេលនោះផ្ទាំង Windows 7 File Recovery នឹងលោតចេញមក, ចុចលើពាក្យ Create a system image ដូចរូប៖

បន្ទាប់មកយើងត្រូវជ្រើសរើសនូវទីកន្លែងសម្រាប់ផ្ទុក System image ដែលយើងបាន Backup នោះ, យើងអាចផ្ទុកវានូវលើ Hard Disk, នៅលើ DVDs ឬក៏នៅលើទីតាំងណាមួយនៅលើ Network។

ការ Restore នូវ Full System Backup
ដើម្បី Restore Full System Backup, ដំបូងយើងត្រូវចុច Windows Key + C, ហើយចុច Setting រួច Select Change PC settings

បន្ទាប់មកជ្រើសរើសយក General ហើយអូសចុះក្រោមរហូតដល់ឃើញ Advanced startup option, ហើយចុចប៊ូតុង Restart now ដើម្បីចូលទៅក្នុង Advanced startup options menu

ពេលចូលទៅដល់ផ្ទាំង Advanced Option, ជ្រើសរើសយក Troubleshoot > Advanced Options > System Image Recovery. ពេលនោះយើងនឹងអាចជ្រើសរើសនូវ System image ដើម្បី Restore Backup របស់យើងបានហើយ។ នៅទីបញ្ចប់យើងប្រាកដជាអាចប្រើ Windows 7 Backup Tools នៅក្នុង Windows 8 បានយ៉ាងងាយស្រួល៕

ជ្រើសរើសយកប្រព័ន្ធដំណើរការWindowsផ្សេងខណៈពេលអ្នកកំពុងប្រើ Windows8

មានអ្នកប្រើកុំព្យូទ័រមួយចំនួនច្រើនចង់ឱ្យ ប្រព័ន្ធដំណើរការ(Operating System) ច្រើននៅក្នុងកុំព្យូទ័រតែមួយហើយឱ្យវាអាចមានដំណើរការការបាន ទាំង multiboot ឬ dual boot។ដើម្បីអាចកំណត់ Dual boot នៅលើ PC បានជាដំបូងសំខាន់គឺទំហំទំនេរនៅលើ hard disk ដើម្បីដំឡើងប្រព័ន្ធដំណើរការទាំងពីរក្នុងទីតាំង Partition ផ្សេងពីគ្នា។
បន្ទាប់មកពួកគេជ្រើសរើសយកមួយនូវពេលគេបើកកុំព្យូទ័រឱ្យដំណើរការ ហើយបន្ទាប់មកគេអាចជ្រើសរើស OS មួយនោះហើយប្រសិនបើគេចង់ប្រើ Operating System ផ្សេងពួកគេត្រូវតែ Restart PC ដើម្បីជ្រើសរើសយក Windows ផ្សេងមួយទៀតដែលគេបានដំឡើង។ដូច្នេះនៅក្នុងការបង្ហាញខាងក្រោម នេះពីលក្ខណៈពិសេសថ្មីមួយទៀតក្នុងការដំឡើងដើម្បីជ្រើសរើសយក ប្រព័ន្ធដំណើរការផ្សេងខណៈអ្នកកំពុងប្រើ Windows8 ដោយវាមិនទាមទារឱ្យ Restart ឡើង។

១)ចុចលើប៊ូតុង Start ដោយបើកយក metro apps screen បន្ទាប់មកចុចលើ Search ដូចរូបខាងក្រោម។

២)វាយពាក្យ “advanced startup” នៅក្នុងប្រអប់ Search ខាងក្រោម Settings បន្ទាប់មកសូមចុចលើពាក្យ “Advanced startup options”។

៣)ចុចលើពាក្យ “Restart Now” នៅខាងក្រោមពាក្យ Advanced startup។

៤)ដល់ចំណុចទី៤នេះអ្នកត្រូវចុចលើ “Use another operating system” ដើម្បីមានសិទ្ធបើកប្រើ Windows មួយផ្សេងទៀតបានក្រោមពីអ្នកបានដំឡើងវារួចមក។

៥)ចំណុចនេះអ្នកអាចជ្រើសរើសយក Operating System ផ្សេងបានប្រសិនបើអ្នកមាន dual boot PC ហើយអ្នកអាចប្ដូរការកំណត់ស្រាប់របស់ OS (Default OS setting) ដោយចុចលើពាក្យ “Change defaults”។

ដូច្នេះឆ្លងតាមការណែនាំតាំងពីចំណុចទី១ដល់ចំណុចទី៥នេះយើង ឃើញថាវាពិតជាអាចឱ្យអ្នកជ្រើសរើសយកប្រព័ន្ធដំណើរការណាមួយក្នុង ចំណោម OSពីរដោយអ្នកអាចបានមួយក្នុងចំណោម Windows ទាំងពីរដែលបានធ្វើ dual booted ពីកុំព្យូទ័ររបស់អ្នក។ពេលអ្នកចុចលើ Windows icon ណាមួយវានឹងចាប់ផ្ដើម restart បន្ទាប់មកវាចាប់ផ្ដើមដំណើរការ Windows នោះតែម្ដង៕

វិធីសាស្រ្ត ៥ យ៉ាងមិនឲ្យនរណា ម្នាក់ឆែកមើលលើកុំព្យូទ័រអ្នកបាន

កាលបើមាននរណាម្នាក់គេអាច Access ទៅកាន់ Wireless Router របស់លោកអ្នកបានហើយនោះ ចំពោះម៉ាស៊ីនកុំព្យូទ័រដែលលោកអ្នកកំពុងតែប្រើគឺវាមិនប្រាកដថាមាន សុវត្ថិភាពក្នុងការរក្សាទុកឯកសារ ឬ ធ្វើសកម្មភាពផ្សេងៗ ទៀតឡើយព្រោះថាគេអាចចូលឆែកមើលរាល់សកម្មភាពផ្សេងៗ ដែលមាននៅលើអេក្រង់កុំព្យូទ័រ (Monitoring) នោះបានគ្រប់ពេលវេលា ទាំងអស់ដោយមិនចាំបាច់ប៉ះពាល់ផ្ទាល់ជាមួយម៉ាស៊ីនកុំព្យូទ័រនោះផង។ ផ្ទុយមកវិញ សម្រាប់ដំណោះស្រាយនឹងបញ្ហាដែលបានជម្រាបខាងលើលោកអ្នកអាចប្រើប្រាស់ នូវវិធីសាស្ត្រទាំង ៥ យ៉ាងដែលទស្សនាវដ្តីទីក្រុង ពត៌មានវិទ្យាបានលើកយកមកបង្ហាញជូនដូចខាងក្រោមនេះដើម្បីមើលថា តើមាន ឬគ្មាននរណា ម្នាក់បានចូលឆែកមើលនៅលើម៉ាស៊ីនកុំព្យូទ័ររបស់ លោកអ្នកដែរ ឬអត់? ចំណុចនីមួយៗមានដូចតទៅៈ

ចំណុចទី១: ការវិភាគរក Virus និង Malware:
ត្រង់ចំណុចនេះ លោកអ្នកគួរតែជ្រើសរើសយកមកអនុវត្ត កាលបើ System File ត្រូវបានលាក់ដោយមិនដឹងមូលហេតុ ដោយចាប់ផ្តើមធ្វើការ វិភាគ (Scan) ទៅលើម៉ាស៊ីនកុំព្យូទ័រលោកអ្នកជាមួយកម្មវិធីកម្ចាត់មេរោគ ឬ Anti Malware ផ្សេងៗដែលមានសមត្ថភាពអាចស្វែងរក System Files ខាង លើមកវិញបាន ។

ចំណុចទី២: សម្អាត ឬជួសជុលការតម្លើង Windows:
ចំពោះករណីមួយនេះវិញ គឺលោកអ្នកមិនចាំបាច់ Figure Out នៅ ពេលដែលលោកអ្នកត្រូវការត្រួតពិនិត្យទៅលើម៉ាស៊ីនកុំព្យូទ័រ ឬមិនត្រូវការ នោះទេ ប៉ុន្តែសម្រាប់នៅក្នុង Windows លោកអ្នកអាចធ្វើការសម្អាត ឬជួស ជុលនូវការតម្លើង Windows បានយ៉ាងងាយដែលនៅក្នុងនោះផងដែរ Clean Install នឹងផ្តើមធ្វើការជូត ឬបោសសម្អាតនូវរាល់ Operating System រួម ជាមួយទិន្នន័យទាំងអស់ពីតំបន់មានស្នាមឆ្កូត (Scratch)។ ចំណែកឯ Repair Install វិញត្រូវបានគេប្រើប្រាស់សម្រាប់ធ្វើការ Reset Windows ឲ្យមក ដូចដើមជាមុនសិនរួចហើយក៏ចាប់ផ្តើម Maintains ទៅលើគ្រប់ទិន្នន័យ និងកម្មវិធីទាំងអស់តែម្តង។ ដូច្នេះហើយទស្សនាវដ្តីទីក្រុងពត៌មានវិទ្យាមានពាក្យផ្តាំផ្ញើមួយ គឺលោកអ្នកគួរតែប្រើប្រាស់នូវ Clean Install កាលបើគិតថាម៉ាសីុនកុំព្យូទ័ររបស់លោកអ្នកកំពុងត្រូវបាននរណាម្នាក់ តាមដាន ឬឆែកមើលរាល់សកម្មភាពនៅលើផ្ទៃអេក្រង់ម៉ាស៊ីនកុំព្យូទ័ររបស់លោក អ្នកនោះ។

ចំណុចទី៣: Reset និង Secure Wireless Router:
យ៉ាងណាម៉ិញ អ្វីដែលលោកអ្នកគួរយកចិត្តទុកដាក់ខ្លាំងជាងគេគឺ ស្ថិតនៅត្រង់ចំណុចទី៣នេះហើយ ព្រោះថាកាលបើមាននរណាម្នាក់កំពុងធ្វើការឆែកមើលលើម៉ាស៊ីនកុំព្យូទ័រ របស់លោកអ្នកដោយមិនឲ្យដឹងខ្លួននោះនឹងមានបង្ហាញនូវចំណុចខ្សោយណាមួយ នៅលើ Wireless Router ជាក់ ជាមិនខាន។ ផ្ទុយមកវិញយើងសង្កេតឃើញថាមិនមានអ្នកប្រើប្រាស់ភាគ ច្រើនចាប់អារម្មណ៍ទៅលើចំណុចមួយនេះប៉ុន្មានទេ ដោយហេតុតែគេយល់ឃើញថានោះអាចបណ្តាលមកពី Network Highly Secure ប៉ុណ្ណោះ ។

ចំណុចទី៤: ការប្រើប្រាស់បណ្តាញ Network ផ្សេងៗគ្នាៈ
ម្យ៉ាងវិញទៀត ប្រសិនបើមាននរណាម្នាក់ចេះតែព្យាយាមចូលឆែកមើលម៉ាស៊ីនកុំព្យូទ័រ របស់លោកអ្នកជាច្រើនលើកច្រើនសារនោះ គឺអាស្រ័យ ទៅលើការប្រើប្រាស់បណ្តាញ Networkដែលអ្នកបានធ្វើការភ្ជាប់ទៅកាន់តែម្តង។ ក្នុងករណីនេះលោកអ្នកគួរតែសាកល្បងប្រើប្រាស់ បណ្តាញ Network ផ្សេងៗគ្នាគឺជាជម្រើសដ៏ប្រសើរបំផុត ។

ចំណុចទី៥: Unplug ឬ Disconnect Network:
ដោយឡែក សម្រាប់ចំណុចទី៥ ចុងក្រោយនេះជាវិធីសាស្ត្រដ៏ប្រ សើរ និងងាយស្រួលជាងគេបំផុតសម្រាប់លោកអ្នក គឺគ្រាន់តែ Unplug ឬ Disconnect កុំព្យូទ័ររបស់លោកអ្នកពីការភ្ជាប់ទៅកាន់បណ្តាញ Network ជាការស្រេច ពេលនោះប្រាកដជាមិនមាននរណាម្នាក់អាចចូលឆែកមើលរាល់សកម្មភាពដែលមាន នៅលើផ្ទៃអេក្រង់កុំព្យូទ័រនោះទៀតបានឡើយ ៕

របៀបបង្កើនល្បឿនក្នុងWindows7

បង្កើនល្បឿនWindows 7 មិន ថាប្រព័ន្ធប្រតិបត្តិការ Windows កំណែណាទេពេលដែលអ្នកប្រើវាបានប្រមាណ ២ ឬ ៣ខែអ្នកនឹងសង្កេតឃើញថាវាចាប់ផ្ដើមដំណើរការយឺតជាងពីការដំឡើង កាលពីដំបូងជាមិនខាន ។ មានកម្មវិធីផ្សេងៗជាច្រើនដែលអាចធ្វើឲ្យវីនដូប្រសើរឡើង ប៉ុន្តែវាមិនមានសុវត្ថិភាពទេក្នុងការដំណើរការកម្មវិធីដែលអ្នក មិនស្គាល់អ្នកបង្កើត ឬអភិវឌ្ឍន៍ ។ ក្នុងអត្ថបទនេះទស្សនាវដ្ដីយើងខ្ញុំនឹងបង្ហាញអំពីការបង្កើនល្បឿន របស់វីនដូ ៧ និងរបៀបធ្វើឲ្យវីនដូដំណើរការដោយប្រសើរព្រមទាំងមានសុវត្ថិភាព ។ គន្លឹះនីមួយៗមិនទាក់ទងនឹងការ Hack ប្រព័ន្ធដំណើរការឡើយ ដូច្នេះអ្នកអាចអនុវត្តបានដោយពុំព្រួយបារម្ភថាវានឹងមានការ ប៉ះពាល់ដល់ប្រព័ន្ធប្រតិបត្តិការរបស់អ្នក ។
១. យកចេញកម្មវិធី ឬលក្ខណៈពិសេសៗរបស់ Windows ដែលអ្នកមិនបានប្រើ
នៅពេលអ្នកទិញកុំព្យូទ័រ ឬកុំព្យូទ័រយួរដៃជាទូទៅវាតែងមានមកជាមួយកម្មវិធីដែលបានដំឡើង ហើយរួចជាស្រេចជាច្រើនដូចជា Demo-Ware, Trial-Ware (ជាកម្មវិធីដែលគេឲ្យអ្នកសាកល្បងប្រើមុននឹងទិញ), Anti-Virus ជាដើម ។ ប្រសិនបើអ្នកចូលចិត្តសាកល្បងជាមួយនឹងកម្មវិធីថ្មីៗ អ្នកប្រហែលជាអាចទាញយកកម្មវិធីទាំងនោះពីអ៊ីនធឺណិតមកដំឡើងចូល កុំព្យូទ័រអ្នកមិនខាន ។ ការដំឡើងកម្មវិធីយ៉ាងច្រើននៅលើកុំព្យូទ័រវានឹងធ្វើឲ្យអ្នក ប្រើប្រាស់ប្រភពធនធានរបស់ប្រព័ន្ធកុំព្យូទ័រខ្ជះខ្ជាយចោលឥតប្រយោជន៍ នេះជាមូលហេតុដែលធ្វើឲ្យកុំព្យូទ័រចាប់ផ្ដើមដំណើរការយឺត ។ ចូរយកកម្មវិធីទាំងឡាយដែលអ្នកមិនត្រូវការប្រើប្រាស់ចេញ (Uninstall) ដោយអ្នកត្រូវចូលទៅកាន់ Control Panel => Programs => Uninstall (សូមជ្រើសកម្មវិធីដែលអ្នកចង់យកចេញ) ។ អ្នកក៏អាចចូលទៅកាន់ Control Panel => Programs => Turn Windows Features On ឬOff ដើម្បីបិទ ឬបើកលក្ខណៈពិសេសរបស់វីនដូ ដោយអ្នកអាចដោះធីកចេញពី Windows Features ដែលមិនត្រូវការប្រើប្រាស់ ។

២- ចូរមើលឡើងវិញនូវកម្មវិធីដែលចាប់ផ្ដើមដំបូង (Startup Programs)
ភាគច្រើននៃបញ្ហាដែលធ្វើឲ្យកុំព្យូទ័រដើរយឺតគឺបណ្ដាលមកពី កម្មវិធីដែលចាប់ផ្ដើមដំណើរការដោយស្វ័យប្រវត្តិដោយខ្លួនឯងពេល កុំព្យូទ័របើកមកដំបូងហើយនូវបន្តដំណើរការរហូតដែលជាហេតុធ្វើឲ្យ វាប្រើប្រាស់ប្រព័ន្ធអង្គចងចាំ (System Memory) អស់យ៉ាងច្រើន ។ មធ្យោបាយងាយស្រួលបំផុតដើម្បីធ្វើឲ្យដឹងថាកម្មវិធីណាមួយកំពុង ដំណើរការនៅខណៈពេលWindowsចាប់ផ្ដើមដំណើរការដំបូងគឺអ្នកអាចមើលនៅ លើរូបតំណាង Notification ដែលមានទីតាំងនៅលើ Task bar ដោយចុចរូបសញ្ញាព្រួញឡើងលើដើម្បីបង្ហាញរូបតំណាងកម្មវិធីដែលលាក់ ។ Uninstall កម្មវិធីដែលអ្នកមិនប្រើ ឬបិទជម្រើសរបស់កម្មវិធីមិនឲ្យវាចាប់ផ្ដើមដោយស្វ័យប្រវត្តិពេល ដំណើរការម៉ាស៊ីនដំបូង ។
មធ្យោបាយដែលប្រសើរដើម្បីពិនិត្យកម្មវិធី Starup គឺត្រូវប្រើកម្មវិធី System Configuration ។ អ្នកអាចប្រើកម្មវិធីនេះបានដោយចុចលើម៉ឺនុយ Start រួចបញ្ចូលពាក្យ msconfig ក្នុងប្រអប់ Search box បន្ទាប់មកវានឹងបង្ហាញផ្ទាំងកម្មវិធីសូមចុចលើ ផ្ទាំង Startup រួចពិនិត្យមើលកម្មវិធីដែលមានក្នុងនោះ ប្រសិនបើអ្នកឃើញកម្មវិធីដែលអ្នកមិនត្រូវការចូរដោះធីកវាចេញ ដើម្បីធ្វើឲ្យកម្មវិធីមិនអាចដំណើរការបានពេលចាប់ផ្ដើមកុំព្យូទ័រ ។
ចំណាំ ៖ វិធីនេះមិនមែនសម្រាប់ Uninstall កម្មវិធីចេញពីកុំព្យូទ័រទេ វាគ្រាន់តែបិទកម្មវិធីមិនឲ្យដំណើរការដោយស្វ័យប្រវត្តិពេល Startup កុំព្យូទ័រដំបូង ។
សម្រាប់អ្នកប្រើដែលមានចំណេះដឹងខាងកុំព្យូទ័រច្រើនអាចប្រើកម្មវិធី ឥតគិតថ្លៃពី Microsoft គឺ Autoruns for Windows (មាននៅក្នុង CD របស់ CM) ដែលវាជាកម្មវិធីដែលល្អសម្រាប់ត្រួតពិនិត្យ កម្មវិធី Startup គ្រប់ប្រភេទ និងសេវាផ្សេងៗដែលអ្នកត្រូវការជាចាំបាច់ ។

៣- កែសម្រួលVisual Effects:
Windows ដែលពេញនិយមគឺមិនមែនជាWindows ដែលលឿនបំផុតនោះទេ ។ អ្នកអាចកែប្រែ Visual Effects ដើម្បីធ្វើឲ្យប្រព័ន្ធដំណើរការកុំព្យូទ័រមានភាពប្រសើរឡើង ។ នៅក្នុងផ្ទាំង Control Panel ចូរស្វែងរកនិងចុចលើពាក្យ Performance Information and Tools រួចចុចលើ Adjust Visual Effects បន្ទាប់មកវានឹងបង្ហាញផ្ទាំងដូចខាងក្រោម ៖
នៅក្នុងផ្ទាំងនេះចូរជ្រើសជម្រើស Adjust for best performance ឬជ្រើស Custom ដើម្បីជ្រើស Visual Effects ទៅតាមតម្រូវការរបស់អ្នក ។

៤-កែសម្រួលជម្រើស Indexing Options:
ប្រព័ន្ធប្រតិបត្តិការ Windowsតែងតែធ្វើការរៀបឯកសារឲ្យមានរបៀប (Indexes) នៅលើទីតាំងនានាគ្រប់ Drives ដែលធ្វើឲ្យអ្នកងាយស្រួលក្នុងការស្វែងរកឯកសារ រួមទាំង Folders ។ អ្នកអាចកែសម្រួលការកំណត់នេះដោយឲ្យ Windows ធ្វើការរៀបឯកសារ (indexes) តែលើទីតាំងទាំងឡាយណាដែលអ្នកនឹងស្វែងរកញឹកញាប់ ។
នៅក្នុងផ្ទាំង Control Panel ជ្រើស Indexing Options រួចចុចលើប៊ូតុង Modify បន្ទាប់មកវានឹងបង្ហាញផ្ទាំងដូចខាងក្រោម ៖
ចុចលើប៊ូតុង Show all locations បន្ទាប់មកដោះធីកលើទីតាំង ឬ Drives ដែលអ្នកកម្រធ្វើការស្វែងរកឯកសារ រួចចុចប៊ូតុង OK ជាការស្រេច ។

៥-កែសម្រួលការកំណត់ការប្រើ Power Settings
ការកំណត់លំនាំដើមរបស់ Power Management ក្នុង Windows 7 គឺធ្វើឲ្យមានតុល្យភាពរវាងការប្រើថាមពលភ្លើង និងដំណើរការរបស់កុំព្យូទ័រ ។ ប្រសិនបើអ្នកមិនព្រួយបារម្ភពីការប្រើប្រាស់ថ្មកុំព្យូទ័រ និងថាមពលអគ្គិសនី ហើយចង់ឲ្យវីនដូ ៧ ដំណើរការលឿន អ្នកអាចផ្លាស់ប្ដូរការកំណត់ក្នុង Power Management ដើម្បីទទួលបានដំណើរការល្អបំផុត ។ ក្នុងផ្ទាំង Control Panel ចូរជ្រើស Power Options ចុចលើសញ្ញាព្រួញ Show additional plans រួចជ្រើស High performance ។

៦-បិទសំឡេងទាំងអស់
អ្នកអាចធ្វើការបិទសំឡេងដែលមិនត្រូវការផ្សេងៗក្នុងវីនដូដើម្បី ធ្វើឲ្យវីនដូដំណើរការរឹតតែប្រសើរ ។ ក្នុងផ្ទាំង Control Panel ចូរជ្រើស Sound រួចចុចលើផ្ទាំង Sound ក្នុងប្រអប់ Sound Scheme ចូរជ្រើស No Sounds បន្ទាប់មកដោះធីកចេញពី Play Windows Startup Sound រួចចុចប៊ូតុង OK ។

៧-កែសម្រួល Services ទាំងឡាយក្នុងWindows
ចំណុចទី៧នេះគឺសម្រាប់អ្នកប្រើប្រាស់ទាំងឡាយដែលមានចំណេះដឹងខ្ពស់ ។ Services របស់វីនដូទាំងអស់ដំណើរការបន្តបន្ទាប់ឡើងវិញនិងផ្ដល់តួនាទីជា ច្រើនទៅឲ្យប្រព័ន្ធដំណើរការសម្រាប់កុំព្យូទ័ររបស់អ្នក ។ ទោះបីជាយ៉ាងណាក៏ដោយអ្នកប្រើប្រាស់ភាគច្រើនមិនបានត្រូវ ការServices ដែលផ្ដល់ដោយតាមលំនាំដើមទេ ។ ដោយ Services ដែលដំណើរការនីមួយៗវាប្រើប្រាស់ធនធានប្រព័ន្ធ(System Resources) ច្រើនដូច្នេះការកែសម្រួលការកំណត់លំនាំដើមសម្រាប់ Services ដែលដំណើរការខ្លួនឯងដោយស្វ័យប្រវត្តិនៅពេលដែលកុំព្យូទ័រចាប់ផ្ដើម ដំណើរការដំបូង នឹងជួយឲ្យបង្កើនល្បឿន Windows 7 ។ អ្នកអាចបង្ហាញផ្ទាំងកំណត់ Services នេះដោយចុចលើម៉ឺនុយ Start បន្ទាប់មកបញ្ចូលពាក្យ services.msc ក្នុងប្រអប់ Search box ។
Services នីមួយៗអាចត្រូវបានគេកំណត់ដើម្បីឲ្យដើរដោយ ស្វ័យប្រវត្តិ(Auto-start ពេលដំណើរការកុំព្យូទ័រ) ឬកំណត់ដោយដៃ (ចាប់ផ្ដើម Services តែនៅពេលត្រូវការ) ឬបិទមិនឲ្យដំណើរការ ។ តើការកំណត់ Service ណាមួយដែលអ្នកគួរតែផ្លាស់ប្ដូរ? ជាការប្រសើរបំផុតប្រសិនបើអ្នកអាចស្រាវជ្រាវបន្ថែមតាមអ៊ីនធឺណិត ។

៨-គន្លឹះផ្សេងៗដើម្បីធ្វើឲ្យប្រសើរឡើងដល់ដំណើរការម៉ាស៊ីន
ក្រៅពីការរៀបរាប់ខាងលើ គន្លឹះនានាខាងក្រោមក៏អាចជួយអ្នកក្នុងការបង្កើនល្បឿនដល់វីនដូ ៧ ដែរ ៖
- ប្រើកម្មវិធី CCleaner ដើម្បីសម្អាតឯកសារមិនបានការ ។
- ប្រើកម្មវិធីកម្ចាត់មេរោគល្អៗដូចជា Microsoft Security Essentials ។
- ប្រសិនបើអ្នកប្រើជម្រើស Hibernate ដើម្បីបិទកុំព្យូទ័រចូរRestart វីនដូឡើងវិញយ៉ាងហោចណាស់មួយដងក្នុងមួយអាទិត្យ ។
- សូមកុំផ្លាស់ប្ដូរ Default disk defragmentation auto-run schedule ។
- ចំណុចដែលរៀបរាប់ខាងលើបានលើកឡើងពីចំណុចសំខាន់ៗដែលយើងត្រូវការ ប្រើដើម្បីបង្កើនល្បឿនWindows 7 ដោយមិនចាំបាច់ដំឡើងពពួកកម្មវិធីផ្សេងៗ (Third-Party Utilities)ដែលមិនគាំទ្រជាផ្លូវការដោយក្រុមហ៊ុន Microsoft ។

ផ្ញើរឯកសារមានទំហំធំតាមអ៊ិនធឺណិតដោយឥតគិតថ្លៃ

មាន ក្រុមហ៊ុនផ្តល់សេវាកម្មសារអេឡិចត្រូនិក(Email)ជាច្រើនដូចជា Google Yahoo Hotmailដែលអនុញ្ញាតិអោយអ្នកធ្វើការផ្ញើសារ ឬក៏ឯកសារអោយគ្នាទៅវិញទៅមកដោយឥតគិតថ្លៃ។ ប៉ុន្តែការផ្ញើរឯកសារតាមសេវាកម្មរបស់ក្រុមហ៊ុនទាំងនេះ អ្នកមិនអាចផ្ញើរបានឯកសារដែលមានទំហំធំៗនោះទេ។ ភាគច្រើនក្រុមហ៊ុនទាំងនោះ អនុញ្ញាត្តិអោយអ្នកផ្ញើរបានឯកសារទំហំធំបំផុតគឺត្រឹម១០០ MB ប៉ុណ្ណោះ។ ចុះបើអ្នកចង់ផ្ញើរឯកសារទំហំធំជាងនេះដូចជា ១GB ឬក៏ ២GB នោះ តើអ្នកត្រូវធ្វើយ៉ាងណា?

គ្មានបញ្ហាទេ! អ្នកអាចផ្ញើរឯកសារដែលមានទំហំធំបែបនេះបានយ៉ាងងាយស្រួលបំផុត។ ជាមួយនឹងSizablesend អ្នកមិនបាច់ព្រួយបារម្ភក្នុងការផ្ញើរឯកសារដែលមានទំហំធំទៀតនោះ ទេ។ គេហទំព័រនេះអនុញ្ញាត្តិអោយអ្នកធ្វើការផ្ញើរឯកសារគ្រប់ប្រភេទទាំង អស់ដែលមានទំហំរហូតដល់ទៅ២GB។ មិនតែប៉ុណ្ណោះ Sizablesend ផ្តល់សេវាកម្មនេះដោយឥតគិតថ្លៃ គិតសេនអ្វីទាំងអស់។

តើធ្វើយ៉ាងម៉េចទៅដើម្បីផ្ញើរឯកសារតាមSizablesend?

- ចូលទៅកាន់គេហទំព័រ www.sizablesend.com

-បំពេញអាស័យដ្ឋានអ៊ីម៉ែល របស់អ្នកនៅក្នុងប្រអប់ Email និង អ៊ីម៉ែលរបស់មនុស្សដែលចង់ផ្ញើរឯកសារទៅអោយនៅក្នុងប្រអប់ Recipient’s Email។

-ចុចលើ Select Files ហើយជ្រើសរើសឯកសារដែលអ្នកចង់ធ្វើការផ្ញើរ

- បន្ទាប់ពីបានជ្រើសរើសហើយ អ្នកត្រូវធ្វើការរង់ចាំរហូតដល់វាធ្វើការUpload ចប់សព្វគ្រប់(រយៈពេលគឺអាស្រ័យទៅទំហំឯកសាររបស់អ្នក)។

- បន្ទាប់ពីបានធ្វើការUpload ហើយ វានឹងធ្វើការផ្ញើរឯកសារទៅកាន់មិត្តភក្តិរបស់អ្នកដោយស្វ័យប្រវត្តិ។

របៀបប្រើ IDM ទាញយកឯកសារពី Torrent ដោយល្បឿនលឿន

   សួស្តីអ្នកទាំងអស់គ្នា ថ្ងៃនេះខ្ញុំនឹងបង្ហាញពីរបៀបទាញយកឯកសារពី Torrent (ថរ៉ិនថ៍) ដោយល្បឿនលឿន (Full speed)។ អ្នកទាំងអស់គ្នាបានដឹងមកហើយថា សព្វថ្ងៃនេះច្បាប់អ៊ីនធឺណិតត្រូវបានរឹតបណ្ដឹងនៅបណ្ដាប្រទេសធំ ៗជាច្រើន ជាពិសេសគឺកម្មសិទ្ធិបញ្ញា។ ដូច្នេះហើយទើបធ្វើឲ្យវែបសាយដែលផ្តល់ការផ្ទុកឯកសារដើម្បីចែក រំលែកជាច្រើនបានត្រូវបិទ ដូចជាវែបសាយ Megaupload ជា ដើមដែលជាវែបសាយចែករំលែកឯកសារនាំមុខគេមួយ ត្រូវបានរឹបអូសដោយ FBI ពីព្រោះតែវែបសាយនេះបានរំលោភលើការរក្សាសិទ្ធិ ។ ខ្ញុំសង្កេតឃើញថាបច្ចុប្បន្ននេះពិបាកនឹងទាញយកឯកសារពីអ៊ីនធ័រ ណិតណាស់ ព្រោះតែឯកសារភាគច្រើនត្រូវបានលុបចោលពីវែបសាយដែលផ្តល់ File Hosting Sevice ទាំងអស់នោះ តែជាសំណាងណាស់ដែលឯកសារភាគច្រើននឹងពិបាកស្វែងរកបំផុតជាច្រើនមាននៅក្នុង ថរ៉ិនថ៍ ។

   អ្នកទាំងអស់គ្នាប្រាកដជាដឹងហើយថា Torrent (ថរ៉ិនថ៍) គឺវែបសាយដ៏ពេញនិយមដែលផ្ទុកទៅដោយឯកសារជាច្រើនដូចជា កម្មវិធីកុំព្យូទ័រ ហ្គេមកុំព្យូទ័រ វីដេអូ…. ជាដើម ប៉ុន្តែការទាញយកឯកសារពីថរ៉ិនថ៍ គឺវាទាមទារឲ្យមានកម្មវិធីជំនួយគឺ Torrent Download Clients ដូចជា Bit Torrent និង Utorrent។ល។ ប៉ុន្តែការទាញយករបៀបនេះពិតជាមានល្បឿនយឺតណាស់ ចំពោះឯកសារថរ៉ិនថ៍ដែលមានទំហំរាប់សិបជីប៊ី (GB) នោះគឺអាចប្រើរយៈពេលដល់ទៅរាប់សិបម៉ោងឯណោះ តែទោះជាយ៉ាងណាក៏នៅមានវិធីជាច្រើនដើម្បីពន្លឿនល្បឿនទាញយកនោះ បានដែរ គឺយើងអាចប្រើកម្មវិធី IDM (Internet Download Manager) ដែលជាកម្មវិធីសម្រាប់គ្រប់គ្រងនិងពន្លឿនការទាញយកឯកសារផ្សេងៗ នៅលើប្រព័ន្ធអ៊ីនធឺណិត តែបើទោះជាយ៉ាងនោះក្តី ក៏មិនអាចបានល្បឿនពេញដែរ ។

   ខាងក្រោមនេះខ្ញុំនឹងបង្ហាញអ្នកទាំងអស់គ្នាអំពីរបៀបក្នុងការ ទាញយកឯកសារពីថរ៉ិនថ៍ ដោយ IDM (Internet Download Manager)។ ខ្ញុំសូមណែនាំរបៀបពីរយ៉ាងដែលងាយស្រួល តែមានលក្ខណៈខុសគ្នាត្រង់ល្បឿនក្នុងការទាញយក ខ្ញុំនឹងធ្វើការប្រៀបធៀបអំពីរបៀបទាំងពីរបែបនេះតើវាខុសគ្នា យ៉ាងណាខ្លះ សូមមើលការបង្ហាញខាងក្រោននេះ៖

៙ របៀបទីមួយ៖ ជាមួយ www.zbigz.com ៖

Zbigz.com គឺជា សេវាកម្មវែបសាយដ៏ពេញនិយមមួយ ដែលអាចជួយអ្នកទាំងអស់គ្នាដើម្បីអាចទាញយកឯកសារ Torrent (ថរ៉ិនថ៍) ដោយផ្ទាល់តែម្តងគឺពុំចាំបាច់ប្រើ Torrent Download Clients នោះទេ ។ បន្ទាប់ពីការបម្លែងឯកសារ ថរ៉ិនថ៍ ទៅតំណទាញយកផ្ទាល់ហើយនោះ អ្នកអាចទាញយកថរ៉ិនថ៍ ដោយប្រើប្រាស់ អាយ.ឌី.អឹម ដើម្បីជំនួយល្បឿនក្នុងការទាញយក ។ តែខ្ញុំសូមបញ្ជាក់ថា ZbigZ គឺមានគណនីឥតគិតថ្លៃ និងគណនី Premium ហើយគណនីទាំងពីរប្រភេទនេះក៏មានប្រសិទ្ធិភាពខុសគ្នាដែរ ចំពោះគណនីឥតគិតថ្លៃគឺយើងអាចទាញយកបានល្បឿនមធ្យមតែប៉ុណ្ណោះ តែចំពោះគណនី Premium វិញគឺយ៉ាងអាចទាញបានក្នុងល្បឿនយ៉ាងលឿន ។ បើអ្នកទាំងអស់គ្នាចង់ដឹងពីរបៀបទាញយកតាម ZbigZ សូមមើលតាមរបៀបខាងក្រោម ។

1. សូមចូលទៅកាន់ www.zbigz.com
2. បន្ទាប់មកសូមធ្វើការបញ្ចូលឯកសារថរ៉ិនថ៍ (Torrent File) ឬក៏បិទភ្ជាប់តំណថរ៉ិនថ៍ (Megnet Link) ហើយចុចប៊ូតុង Go!

3. បន្ទាប់មកវានឹងបង្ហាញផ្ទាំងមួយគឺមានពាក្យថា Free ហើយនឹង Premium សូមជ្រើសរើស Free សម្រាប់គណនីឥតគិតថ្លៃ

4. បន្ទាប់មកសូមរងចាំមួយភ្លេតដើម្បីធ្វើការទាញយក

5. ពេលរួចរាល់ហើយវានឹងប៊ូតុងទាញយក

៙ របៀបទីពីរ៖ ជាមួយ www.furk.net ៖

furk.net គឺ ជាវែបសាយមួយដែលអនុញ្ញាតឲ្យអ្នកទាំងអស់គ្នាធ្វើការផ្ទុកនូវ ឯកសារផ្ទាល់ខ្លួន ក៏ដូចជាឯកសារថរ៉ិនថ៍ផងដែរ ។ បន្ទាប់ពីធ្វើការផ្ទុកឯកសារនៅលើវែបសាយនេះហើយគឺយើងអាចទាញយក ឯកសារទាំងអស់នោះតាមរយៈតំណទាញយកផ្ទាល់តែម្តង (Direct link download) ក្នុងល្បឿនយ៉ាងលឿន (Full speed download) ដែលវាលឿនជាង Zbiz.com ទៅទៀត ។ វែបសាយនេះពិតជាមានប្រយោជន៍ខ្លាំងណាស់សម្រាប់អ្នកដែលមាន ប្រព័ន្ធអ៊ីនធឺណិតយឺត ឬក៏សម្រាប់អ្នកដែលចង់បង្កើនល្បឿនក្នុងការទាញយកឯកសារ ពីថរ៉ិនថ៍ ។ សូមមើលអំពីរបៀបប្រើប្រាស់ដូចខាងក្រោមនេះ៖

1. សូមចូលទៅកាន់វែបសាយ www.furk.net ធ្វើការចុះឈ្មោះដើម្បីបើកគណនីប្រើប្រាស់
2. បន្ទាប់មកទៀតសូមធ្វើការផ្ទុកតំណ ឬក៏ឯកសារថរ៉ិនថ៍ ហើយចុចប៊ូតុង Add dowload ។

3. សូមធ្វើការរងចាំ ពេលដែលឯកសារកំពុងផ្ទុក ពេលរួចរាល់ហើយវានឹងបង្ហាញដូចរួបខាងក្រោមនេះ

4 . សូមចុចទៅលើឯកសារនោះ វានឹងបង្ហាញប៊ូតុងទាញយក ដើម្បីឲ្យយើងធ្វើការទាញយកឯកសារថរ៉ិនថ៍ទាំងនោះបានដោយសេរីនឹង ល្បឿនយ៉ាងលឿនទៀតផង ។

5. នេះជាល្បឿនទាញយកដែលខ្ញុំទទួលបាន (Full Speed download)

អត្ថបទគន្លឹះនេះចម្លងពី : ឡាយឡង់ឌី

Google Takeout បម្រុងទុកទិន្នន័យផ្សេងៗរបស់សេវាកម្ម Google

សួស្ដី ថ្ងៃនេះខ្ញុំសូមណែនាំឲ្យស្គាល់ Google Takeout ដែលជាសេវាកម្មមួយរបស់ក្រុមហ៊ុន Google ដែលមាននាទីជាឧបករណ៍ Tool អនុញ្ញាតិឲ្យលោកអ្នកទាញយកទិន្នន័យចេញ (export data) ដែលអ្នកបានប្រើប្រាស់សេវាកម្មផ្សេងៗរបស់ Google កន្លងមកដូចជា +1s, Blogger, Buzz, Contacts, Drive, Google+ Circles, Google+ Stream, Pages, Picasa Wb Album, Profile, Reader និង Youtube។ Google Takeout នឹងច្រកទិន្នន័យរបស់លោកអ្នកទៅក្នុងឯកសារមួយជាប្រភេទដែលអាចចល័ត បាន និងងាយស្រួលនាំចូលមកវិញ (import) នូវទិន្នន័យទាំងនោះចូលមកក្នុងសេវាកម្ម Google នានាបានដោយមិនបារម្ភខ្លាចថ្ងៃណាមួយគណនីរបស់លោកអ្នកត្រូវបានរង ការវាយប្រហារ ឬត្រូវបានបិទពី Google ផ្ទាល់។

នៅក្នុងសេវាកម្មនីមួយៗរបស់ Google តែងតែមានមុខងារអាចឲ្យយើងអាចនាំចេញទិន្នន័យបាន តែមុខងារនាំចេញ និងចូលទាំងនោះ អាចមានអ្នកមិនដឹង ជាពិសេសសម្រាប់អ្នកទើបចេះប្រើ ដូចនេះ Google ក៏បង្កើតកន្លែងពិសេសមួយសម្រាប់នាំចេញនោះគឺ "Google Takeout" ដែលកាលពីមុនអាចនាំចេញបានតែមុខងារចំនួនតូច ឥឡូវ Google បានដាក់សេវាកម្មសំខាន់ៗដែលបានរៀបរាប់ខាងលើ ទៅក្នុងមុខងារ Takeout ដើម្បីងាយស្រួលទាញចេញបានដោយប្រើតែទីតាំងមួយនេះប៉ុណ្ណោះ មិនបាច់ចូលទៅនាំចេញពីនេះពីនោះ នាំឲ្យខាតពេលទៀតទេ។

៙ ចំពោះ Blogger ៖

ការពិតទៅ Blogger មានមុខងារនាំចេញ និងនាំចូល data តាំងពីបង្កើតប្រព័ន្ធ Blogger មកម្ល៉េះ ដែលលោកអ្នកត្រូវចូលទៅប្លកផ្ទាល់ទើបមានមុខងារទាំងនោះ (របៀប ចូលតាម Blogger គឺ Setting >> Other >> ត្រង់កន្លែង Blog Tool នោះលោកអ្នកនឹងឃើញមានមុខងារ Import log - Export blog) , តែថ្មីៗនេះ Blogger ត្រូវបានដាក់ទៅក្នុងបញ្ជីអាចនាំចេញបានរបស់ GoogleTakeout ដែលងាយស្រួលជាងមុន អាចនាំចេញដោយមិនបាច់ចូលទៅ Blogger ក៏បាន។
អ្វីដែលខ្ញុំលើកយមមកបង្ហាញនៅពេលនេះគឺ សំខាន់សម្រាប់អ្នកប្រើប្រាស់ Blogger និង Picasa ដែលជាសេវាកម្មពីរ ប្រើរួមគ្នាក្នុងពេលតែមួយ ព្រោះ Picasa ជាស្តង់ទុករូបភាពរបស់ Blogger ដូច្នេះបើលោកអ្នកនាំចេញតែទិន្នន័យ Blogger ដោយមិននាំចេញរូបភាពពី Picasa នោះប្លកលោកអ្នកនឹងជួបបញ្ហា ពេលមានការវាយប្រហារប្លក យើងអាចនាំចូលទិន្នន័យចូលបានវិញមែន តែរូបភាពអត់ឃើញបង្ហាញទេ ក៏ព្រោះតែយើងមិនបានបម្រុងទុករូបភាពពី Picasa នេះក្នុងករណីដែលមានការវាយប្រហារលុបទិន្នន័យ ដែលយើងខំសន្សំក្នុងសេវាកម្មប្លកកន្លងមក។

ចំណាំ ៖ ចំពោះសេវាកម្មដទៃទៀតរបស់ Google ដែលមិនមានបង្ហាញក្នុង Google Takeout សូមលោកអ្នកចូលទៅស្វែងយល់ពីរបៀបនាំចេញ និងនាំចូលដែលមានបង្ហាញគ្រប់សព្វនៅក្នុង http://www.dataliberation.org/ ដែលជាកន្លែងទទួលបន្ទុកណែនាំក្នុងការ "នាំចេញនិងនាំចូល"។

៙ របៀបប្រើ GoogleTakeout (នាំចេញ) ៖

- ចូលទៅក្នុង https://www.google.com/takeout ។

- នៅលោកអ្នកនឹងឃើញដូចរូបភាពខាងក្រោម ដែលមានដាក់បង្ហាញសេវាកម្មដែលអាច export (នាំចេញ) បានមួយចំនួនសំខាន់ៗ។
- All of your data : ជាតាបបង្ហាញសម្រាប់ការនាំចេញម្តងទាំងអស់។

- Choose services : ជាតាបអនុញ្ញាតិឲ្យនាំចេញតែសេវាកម្មណាដែលអ្នកចង់នាំចេញ។

- ជាឧទាហរណ៍ : នៅក្នុងពេលនេះខ្ញុំចង់នាំចេញទាំងអស់ ដូច្នេះខ្ញុំត្រូវឈរលើតាប All of your data រួចចុចឆ្នុច CREATE ARCHIVE នៅនឹងរត់ចូលទៅកាន់តាប Downloads លោកអ្នកនឹងបានឃើញពីដំណើរការបង្កើតឯកសារ "សម្រាប់ទាញ" ។ លោកអ្នកត្រូវរង់ចាំដល់ដំណើរការកសាងឯកសារបានចប់នោះ នឹងឃើញឆ្នុចដាក់ថា Download ។

ក្នុងរូបភាពនេះ សរុបឯកសារទាញយកចំនួន 1757, ទំហំសរុប 175.8 MB

- ចុចលើឆ្នុច Download ដើម្បីទាញយកទុក, នោះ Google Takeout នឹងតម្រូវឲ្យលោកអ្នកវាយបញ្ចូលនូវ ឈ្មោះ និង លេខសម្ងាត់ ម្ដងទៀត។
- ចូលដល់ក្នុងតាប Download វិញ សូមចុចប៊ូតុងទាញយក រួចរើសទីតាំងដាក់ក្នុងកុំព្យូទ័ររបស់អ្នកជាកាស្រេច។

ចំណាំ : Google Takeout អនុញាតិឲ្យលោកអ្នកអាច "ទាញចេញ" ក្នុងរយៈពេល 24 ម៉ោងម្ដងៗ ដូច្នេះផុត 24 ម៉ោងអ្នកអាចធ្វើការទាញចេញបានម្ដងទៀត បើអ្នកគិតថាត្រូវការទាញចេញ។ Google Takeout មិនមានមុខងារអាចឲ្យយើងកំណត់កាលវិភាគទាញចេញបានដោយស្វ័យប្រវត្ត ទេ បើអ្នកគិតថាសំខាន់ មានតែឧស្សាហ៍ទៅទាញចេញដោយដៃតែប៉ុណ្ណោះ។

៙ របៀបនាំចូលវិញ ៖

Google Takeout មិនមានមុខងារអាចឲ្យយើងយកទិន្នន័យ ដែលយើងបានទាញចេញទាំងនោះ បានវិញទេ។ ចំពោះរបៀបនាំចូលវិញ យើងមិនមែនចូលទៅកាន់ Google Takeout ទៀតនោះទេ គឺលោកអ្នកត្រូវនាំចូលទិន្នន័យនីមួយៗដោយត្រូវចូលទៅសេវាកម្មទាំង នោះ ដើម្បីធ្វើការនាំចូលវិញ ដើម្បីដឹងពីរបៀបនាំចូលរបស់សេវាកម្មនានា សូមចូលទៅ http://www.dataliberation.org/ ដែលជាកន្លែងទទួលបន្ទុកណែនាំក្នុងការ "នាំចេញនិងនាំចូល"។

សរុបសេចក្ដីមក ៖

សរុបមក Google Takeout គ្រាន់តែជាកន្លែងដាក់ប្រជុំ អនុញ្ញាតិឲ្យនាំចេញទិន្នន័យរបស់សេវាកម្មនានា ដែល Google គិតថាសំខាន់រៀបដាក់នៅទីនោះ ងាយស្រួលទាញចេញ ដោយមិនបាច់ចូលទៅកាន់សេវាកម្មអស់ទាំងនោះទេ។ ហើយ Google Takeout គ្មានមុខងារអាចឲ្យយើងទាញចូលវិញបានទេ។ បើចង់ទាញចូលវិញ មានតែអ្នកស្គាល់ពីរបៀបទាញចូលរបស់សេវាកម្មអស់ទាំងនោះ។ ដើម្បីដឹងថាទាញចូលយ៉ាងម៉េចគឺត្រូវចូលទៅ http://www.dataliberation.org/ ដែលជាកន្លែងទទួលបន្ទុកណែនាំក្នុងការ "នាំចេញនិងនាំចូល"។ សង្ឃឹមថាការរៀបរាប់យ៉ាងវែងអន្លាយនេះ អាចឲ្យអ្នកដែលទើបចេះប្រើអាចធ្វើតាមបាន។

វីធីការពារEmail របស់អ្នក

នៅពេលដែលលោកអ្នកផ្ញើE-mail វានឹងត្រូវឆ្លងកាត់ក្រុមហ៊ុនដែលផ្គត់ផ្គង់សេវាInternet និងប្រព័ន្ធ Server មុនពេលដែលវាអាចទៅដល់កុំព្យូទ័រអ្នកទទួល។

តើវាអាចទេដែលអ្នកគ្រប់គ្រងnetwork ក្រុមហ៊ុន ISP ព្រមជាមួយនឹងភ្នាក់ងារប្រតិបត្តិទាំងនោះ អាចនឹងអានរាល់សារសំងាត់របស់អ្នក ដោយគ្មានការអនុញ្ញាតពីសាមីខ្លួន?

ខាងក្រោមនេះ គឺជាវិធីសាស្រ្តខ្លះៗដើម្បីការពាររាល់សារសំងាត់របស់លោកអ្នក:

ជំហានទី1 លោកអ្នកត្រូវបើកHTTPS Everywhere។ ព្រោះនៅពេលដែលអ្នកAccess គណនេយ្យ email តាមconnection របស់HTTP(ឬ https) វាអាចធ្វើអោយemail របស់អ្នក ដែលត្រូវឆ្លងកាត់server មិនមែនជា hide file។ បើក្នុងករណីដែល email នោះត្រូវគេស្កាត់ជាប់ វានឹងបង្ហាញចេញនូវពត៌មានដែលគ្មានប្រយោជន៏អ្វីបន្តិច សោះ។

ជំហានទី2 ប្រសិនបើលោកអ្នកaccess email account តាមរយះប្រព័ន្ធ Wi-Fi ទូទៅដូចជា នៅតាមសណ្ធាគារជាដើម ជំរើសដែលប្រសើរបំផុតគឺត្រូវប្រើ VPN Service ដើម្បីaccess ក្នុងweb។ ខុសគ្នាពី HTTPS ដែលធ្វើការតែជាមួយនឹងគេហទំព័រដែលត្រូវបានគេselect រួចជាស្រេច VPN service នឹងបង្ហាញfile ដែលមាននៅក្នុងកុំព្យូទ័ររបស់អ្នកនិងក្រុមហ៊ុន internet ហើយការពាររាល់ទិន្នន័យរបស់អ្នកពីក្រុមស៊ើបការណ៍ថែមទៀ តផង។

ជំហានទី3 នៅពេលដែលលោកអ្នកផ្ញើសារសំងាត់តាមរយះ Email អ្នកគួរតែencrypt file ទាំងឡាយមុនពេលដែលវាចេញពីកុំព្យូទ័រ។ ពាក្យថា Encryption មើលទៅហាក់បីដូចជា ស្មុគស្មាញបន្តិចចំពោះuser មួយចំនួន ប៉ុន្តែវាពិតជាមានភាពងាយស្រួលស្វែងយល់និងស្រួលប្រតិ បត្តិតាម។

ដកស្រង់ពី: http://blogs.wsj.com/digits/2012/11/21/how-to-protect-your-emails/

បង្កើនល្បឿន Internet ដែល ប្រើប្រាស់តាម Modem

ជាការពិតណាស់ Internet យឺក៏ព្រោះបណ្តាលមកពី DNS Server។ កាលណា DNS Server មានអ្នកប្រើប្រាស់ច្រើន វាបណ្តាលឱ្យ Internet កាន់តែយឺត។ ធ្វើម៉េចដើម្បីឱ្យ Internet ដែលប្រើប្រាស់ Modem ដើរលឿន?

ដើម្បីឱ្យ Internet ដើរលឿន លោកអ្នកអាច ចូលទៅបង្កើត គណនីមួយ (User) ហើយបញ្ចូលទាំង Username, Password, Connection Point… ដែលជាតម្រូវការរបស់ក្រុមហ៊ុនទូរស័ព្ទដែលផ្គត់ផ្គង់ Internet ឱ្យលោកអ្នក។ បន្ទាប់មកចុចប៊ូតុង Advanced ដើម្បីបញ្ចូល DNS Server។
នៅត្រង់ DNS សូមធ្វើការជ្រើសរើស ជំម្រើសដែលមានឈ្មោះថា Use the following DNS Server address បន្ទាប់មក បំពេញលេខ ដូចខាងក្រោម៖
Preferred: 8.8.8.8
Alternate: 8.8.4.4
ចុច OK -> Ok ជាការស្រេច។
ចំនាំ៖

គន្លឺះនេះ ធ្លាប់បានអនុវត្ត ហើយទទួលបានជោគជ័យ (ជាមួយ Modem HSDPA) សូមសាកល្បងខ្លួនឯង
គន្លឺះនេះ ធ្លាប់បានអនុវត្ត ហើយទទួលបានជោគជ័យ ជាមួយ Smart Mobile.
ខ្ញុំក៏កំពុងតែប្រើ DNS Server នេះដែរ ហើយឃើញថា ពិតជាលឿនជាងធម្មតាប្រហែល 25 – 30%

7Drama - Music online

របៀបប្រើ Windows 7 Backup Tools នៅក្នុង Windows 8

ជ្រើសរើសយកប្រព័ន្ធដំណើរការWindowsផ្សេងខណៈពេលអ្នកកំពុងប្រើ Windows8

វិធីសាស្រ្ត ៥ យ៉ាងមិនឲ្យនរណា ម្នាក់ឆែកមើលលើកុំព្យូទ័រអ្នកបាន

របៀបបង្កើនល្បឿនក្នុងWindows7

ផ្ញើរឯកសារមានទំហំធំតាមអ៊ិនធឺណិតដោយឥតគិតថ្លៃ